Allaahu dhool fadlil aziim Faadilu mooy fadlu hamiim
Mooy doomi shamsun wa xamar Moo nàmp yaari meeni ngor
Saddiiti baayam lay royaat Nday jaa di xayru muhsinaa.
Mooy noobalub lislaam finun Donoy usaynu wal-Hasan
Ma wax la lëf ci ay jikkoom Niru na baay ba mat na doom
Dem na ba màkkam jullikaay Te ëndiwul alal di jaay
Taalifi baayam'ay wayam Moo naan ci géejug hikkamam
Yàlla na am lamuy mébat Ci moom te yal nan ami sët
Kum jox ngënéel deefi la yéem Turam wi doyna Xarnu bi
Mbàkkeek mbusóobe duñ ko jar Mooy Bàmba tay ci Xarnu bi
Leerug cosaan ga day royaat Moo donn mbóoti Xarnu bi
Mboolem shariif yi moo ci gën Maay xaadamam ci Xarnu bi
Lewet woyof ànd ak sagoom Ëmb na kersag Xarnu bi
Haj na siyaare ngën ji baay Nawleem amul ci Xarnu bi
Moo donn duusi xam-xamam Sirroom ba doyna Xarnu bi
Ci nun nu am li nuy mébat Yu gën a gëm waa Xarnu bi.
Aucun commentaire:
Enregistrer un commentaire